Тараздағы тергеу изоляторына «жылу» тасыған дрон құлады

Таразда досына екі ұялы телефон мен сим-картаны дронның көмегімен тергеу изоляторына өткізіп жібермекші болған жергілікті тұрғын ұсталды, деп хабарлайды Orda.kz.

 № 67 мекеме қызметкерлері ұшқышсыз ұшақты дер кезінде байқап қалды. Жедел қызмет оқиға орнына шыққанда, ұшқыш басқарудан айырылып, қоршауға соғылып, көрші тұрғын үйдің ауласына құлады. Тәртіп бұзған адам дәл сол жерде ұсталды.

«Алдын ала ақпарат бойынша, техника ҚР ҚК-нің 297-бабы 3-бөлігі бойынша есірткі сатқаны үшін жазасын өтеп жатқан қамаудағы адамға танысының жіберген «сыйы». Барлық алынған заттар сараптамаға жіберілді, тексеріс жүргізіліп жатыр, - деді № 67 РММ бастығының м.а., әділет подполковнигі Жаснұр Сабыралиев. 

 Дәл осылай биылғы сәуір айында Ақтөбеде дрон арқылы  колонияға заңсыз заттарды өткізбек болған. Колонияның жедел бөлімі мен әскери бөлімінің қызметкерлері тыйым салынған заттарды өткізуге тосқауыл қойды.

Бас прокуратура тамыз айында лазер немесе дрон қолдану арқылы ұшақтың ұшуына кедергі келтіргендер 10 жылға дейін сотталуы мүмкін екенін ескертті.