Таразда блогер бопсалады деген күдікпен ұсталды

8 наурызда Тараздық блогер әрі «Болашақ плюс KZ» қоғамдық бірлестігінің өкілі Абай Жүндібаев ұсталды, деп хабарлайды Orda.kz.

Облыстық полиция департаментінің экстремизмге қарсы күрес басқармасына спорт кешені директорының 2 500 000 теңге талап ету және бопсалау фактілері туралы жедел ақпарат келіп түсті.

Пара алу кезінде Тараз қаласының екі тұрғыны Ахметжанов пен Кенесариев ұсталды. Олар қылмысын мойындап, одан әрі ынтымақтастыққа келісті.

Ұсталғандардың бірі параны үшінші тұлғаға – блогер Абай Жүндібаевқа өз үйінің қорасында тапсырған. Оның Facebook әлеуметтік желісінде компромат жариялағаны бопсалауға себеп болған.

ҚР Қылмыстық кодексінің 194-бабы «Бопсалау» бойынша қылмыстық іс қозғалды, ол бойынша айыппұл және мүлкі тәркіленіп, төрт жылға дейін бас бостандығынан айыру түріндегі жаза қарастырылған.

Жамбыл облысы полиция департаментінен ресми хабарлама күтеміз.