Танымал блогердің күйеуі ұлттық құрамаға шақырылды

Қазақстандық блогер Мерей Әбілованың күйеуі Дінмұхамед Қашкен ұлттық құрамаға шақыртылды, деп хабарлайды Orda.kz.

Қазақстан Ұлттық құрамасы алдағы болатын Солтүстік Македония мен Лихтенштейнге қарсы ойында шығатын өзінің құрамын жариялады. 

Қорғаушылардың арасында испаниялық «Атлетико Мадридтің» түлегі талдықорғандық «Жетісу» клубының ойыншысы Дінмұхамед Қашкен де шақырылды. Ол бұған дейін «Қайсар», «Ақтөбе», литвалық «Жальгирис» және «Хан Тәңірі» мен «Ұлытау» футбол клубтарында доп тепкен. Ал қазіргі «Жетісу» клубында тек бір гол мен көзге түсті. 

Құрамаға шақырылған тізімдердің ішінде Дінмұхамед Қашкеннің болғанына футбол сүйер қауым теріс пікір білдірді.

«Басқаларына мақұл дейміз. Қашкен не үшін керек? Алдымен «ол футболшы ма?» деген сұрақ қою керек қой» деп жазды оқырмандар пікір алаңына. 

Ал кей қолданушылар оның орнына «Ұлытау» клубының капитаны әрі қорғаушысы Демият Сламбековті шақыру керек екенін жазды.

«Димаш Қашкеннен басқа Қазақстан Премьер лигасында қорғаушы табылмады ма?» деп жазды желі қолданушылары.

Қазақстан Ұлттық құрамасы 10 қазан күні Астанада Лихтенштейнмен бақталасады. Ал 13 қазан күні Гент қаласында Солтүстік Македониямен кездеседі.

Еске сала кетейік, «Ұлытау» клубының президенті Талғат Байсуфинов Қазақстан Ұлттық құрамасына бас бапкер ретінде тағайындалып, Әли Әлиев оның көмекшісі атанған еді.