Сотта Берденовтің денесіндегі жарақаттардың суреті көрсетілді

Адвокаттар сотта өздерінің қорғауындағы Руслан Берденовтің денесіндегі жарақаттардың суреттерін көрсетті, деп хабарлайды Orda.kz.

Шымкентте қала әкімінің орынбасары Руслан Берденовке қастандық жасау ісі бойынша сот процесі жалғасып жатыр. Адвокаттар ұсынған суреттер Берденовке ота жасалып жатқан кезде және отадан кейін түсірілген. Қорғаушылар сотта ота шамамен бес сағатқа созылғанын айтты.

Қазіргі таңда оның денесінде әлі де жарақат іздері бар. Руслан Берденовтің өкілі кеше, 12 тамыз күні тағы бір ота жасалғанын атап өтті. 

Айта кетейік, бұған дейін Руслан Берденов денесінде 60-тан астам жарықшақ қалғанын айтқан еді.