Сорбұлақта жоғалған тікұшақ: Туыстары құдайдан тілеп, үміт үзбей күтіп отыр

Сорбұлақ су қоймасының маңында жоғалған Қорғаныс министрлігінің тікұшағы мен оның экипажын іздеу шаралары әлі жүріп жатыр. Іздеу орнына жиналған туыстары: «құдайдан тілейміз, аман табылса екен» деп үміттерін үзбей отыр, деп хабарлайды Orda.kz.

Алматы облысындағы Сорбұлақ су қоймасы аумағында Қорғаныс министрлігіне тиесілі тікұшақ пен оның экипажын іздеу жұмыстары тәулік бойы жүріп жатыр. Әуе көлігі 25 шілде күні радардан жоғалып кеткен еді.

Оқиға орнында ауқымды іздестіру-құтқару операциясы жүргізіліп жатыр. Жұмысқа барлығы 200-ге жуық құтқарушы мен әскери қызметкер, 40 техника, 15 жүзу құралы, 4 кинологиялық есеп және МЧС-тің 2 тікұшағы қатысты. Сондай-ақ іздестіру жұмыстарында ұшқышсыз ұшу аппараттары мен суасты дрондары қолданылып жатыр.

Төтенше жағдайлар министрлігінің мәліметінше, Отар кенті маңындағы байланыс үзілген тікұшақ Сорбұлақ көлінің маңында апатқа ұшырауы мүмкін деген болжам жасалған. Жедел штабтың ғарыш мониторингі кезінде су бетінде май тәріздес дақ байқалған. Бұл аудан дереу тексеріле бастады.

Экипаж мүшелерінің туыстары іздеу орнына келіп, көз жасын тыя алмай, «Құдайдан тілейміз, аман-есен табылса екен» деп отыр. Жоғалған тікұшақта үш ұшқыш болғаны алдын ала хабарланған.

Төтенше жағдайлар министрлігі мен Қорғаныс министрлігінің құтқарушылары іздеуді күндіз-түні жалғастырып жатыр. Жағдайдың мән-жайы анықталып жатыр.

Еске сала кетсек, жоғалған әскери тікұшақта бір отбасының жалғыз ұлы ұшқаны белгілі болды.