СҚО-да мемлекеттік сатып алу бойынша жанжалдан кейін үш шенеунік жұмыстан қуылды

Солтүстік Қазақстан облысында мемлекеттік сатып алулардағы заңбұзушылыққа байланысты үш шенеунік жұмыстан босатылды.

2024 жылдың басынан солтүстікқазақстандық прокурорлар жалпы құны 3,3 млрд теңге болатын 11 заңсыз конкурстың күшін жойды. Ал іске қатысы бар 17 лауазымды тұлға түрлі жауапкершілікке тартылды. Мысалы, мемлекеттік қызметтің беделін түсіргені үшін алтауы жазаланса, үшеуі жұмыстан қуылды.

Мысалы, Тимирязев ауданының тұрғын үй-коммуналдық шаруашылығы бөлімінің басшысы орындалған жұмыс туралы актілерге қол қойып, жеткізушіге орындалмаған тарату желілерін қайта құру бойынша жобалау-сметалық құжаттаманы әзірлегені үшін 6,7 миллион төлеген.

Сол аудан әкімінің орынбасары жеткізушіге балалар алаңын салу бойынша орындалмаған жұмыстарға 19,9 миллион теңгеге төлеген.

Астрахан ауылдық округінің әкімі мердігерге сквер үшін аумақты дайындау бойынша қызметтерге 1,3 миллион теңге төлеген, бірақ онда ешқандай дайындық жұмыстары жүргізілмеген.