Шымкентте ұрылар үй иесінің көзінше қылмыс жасады

Шымкент қаласы Ақжайық  мөлтек ауданының тұрғынын қарақшылар өз көзінше тонап кетті, деп хабарлайды Orda.kz. 

Арызданушының айтуынша, ұрылар миллион теңге ақша мен бағалы бұйымдарын алып қашып кеткен. Жәбірленуші үйінде белгісіз азаматтарды көріп қалған. Кейін ескерту жасаған кезде қаскөйлер оны үшкір затпен қорқытып, оқиға орнынан бой тасалаған. 

Қылмыскерлердің Тараз қаласының азаматтары екені анықталды. Олардың бұған дейін де осындай қылмыстары үшін сотталғаны белгілі болды.