Шерзаттың әкесіне қатысты сот үкімі өзгеріссіз қалды

Бұзақылық үшін 15 тәулікке қамауға алынған Қаржаубай Нұрымовқа апелляциялық соттың шешімі шықты, деп хабарлайды Orda.kz.  

Азат ауылында Шерзат Полаттың ағасы Нұрқанат Ғайыпбаевтың жаназасы шыққан соң Каржаубай Нұрымов журналистермен кездесуді талап етіп, қолына пышақ алып өз-өзін жарақаттаймын деп қоқан-лоққы көрсеткені үшін 15 тәулікке қамауға алынған еді. Қоғамдық белсенділер мен отбасының адвокаттары құрған justice_for_sherzat парақшасында бүгінгі апелляциялық соттың шешімі шықты. Үкім жеңілдететін жағдайлар болғанымен, өзгеріссіз қалды.

Ауырлататын мән - жайлар болмаған және жеңілдететін жағдайлар болған кезде, осы құқық бұзушылық үшін көзделген ең жоғары жаза қолданылды. Бұл жағдайда 15 тәулік мерзімге қамауға алу істің мән-жайларын ескере отырып, тым қатал және тепе-тең емес, делінген шағым құжатында

Жеңілдететін жағдайлар ретінде мыналар келтірілді: 

•  ұлының қазасы;
• туған інісінің қайтыс болуы;
• мүлікті (тұрғын үйді) жанып кетуі;
• бұқаралық ақпарат құралдарының тұрақты назары;
• ұлының қазасына қатысты қылмыстық іс бойынша тергеу әрекеттеріне күнделікті қатысу.

Еске сала кетейік,  қамауға алынған Нұрымовтың жағдайы жақсармаған соң шұғыл түрде  Еңбекшіқазақ көпсалалы ауданаралық ауруханасына жеткізілген.

Сондай-ақ, Алматы облысының полиция департаменті Нұрқанат Ғайыпбаевтың қазасына байланысты сот-медициналық сараптамасының алдын-ала болжамын жариялаған еді.