Шерзат ісі: Шекеевтің көмекшісіне сот залында қолмен қорқытатын «ишара» көрсеткен қай сотталушы?

Талдықорғандағы Шерзат Полаттың сотында жәбірленуші тараптың қорғаушысы Мейірман Шекеевтің көмекшісіне сот залында сотталушылардың бірі қолмен қорқытатын «ишара» көрсеткен, деп хабарлайды Orda.kz.

Сот залында айыпталушылардың бірі адвокат Шәкевтің көмекшісіне қоқан-лоққы жасаған ишара көрсетті. Бұл «ишара» нақты кім көрсеткені және оның қандай болғаны белгісіз, өйткені адвокат бұл туралы нақтыламады. Дегенмен, ол полицияға 102 хабарласып, ресми арыз жазғандарын айтты.

«Түскі үзіліс кезінде көмекшім келіп маған сотталушыларды бірі қолымен қоқан-лоққы көрсетті деді. Біз қазір сот залынан шығып бара жатқанда әлгі сотталушы сол іс-әрекетін менің көмекшеме тағы да қайталапты. Оны маған көмекшім айтты. Бізге ешкімнің қоқан-лоққы көрсетуге, не қастандық жасауға құұығы жоқ. Бұны біздің тарапқа жасалып жатұан қысымның бір түрі деп білеміз» ,- деді Шекеев.

Айта кетейік келесі сот отырыстары 21, 22, 23 мамыр күндері өтеді. Orda.kz сот залынан ақпарат таратуын жалғастырады.