Сәлім Нағым «ҚазМұнайГаз» ҰК АҚ аппаратының басшысы қызметіне тағайындалды

Сәлім Нағым «ҚазМұнайГаз» ҰК АҚ аппаратының басшысы қызметіне тағайындалды, деп хабарлайды Orda.kz.

Нағым Сәлім Жаңабайұлы Қ.И.Сәтбаев атындағы Қазақ ұлттық техникалық университетін «Мұнай және газ кен орындарын игеру» мамандығы бойынша тәмамдаған. Сонымен қатар магистратураны Cass Business School, City University of London «Энергетика, сауда және қаржы» мамандығы бойынша бітірген.

Еңбек жолын 2005 жылы Agip North Caspian Company N.V. зауытының операторы болып бастаған. Әр жылдары «ҚазРосГаз», «ҚазТрансГаз», «Өріктау Оперейтинг», «ҚазМұнайГаз» ҰК АҚ мұнай-газ компанияларында, сондай-ақ ҚР Энергетика министрлігінің газ және мұнай-газ химиясы департаментінің директоры болып жұмыс істеді.

Бұл тағайындауға дейін «QazaqGaz Aimaq» АҚ бас директорының өндіріс жөніндегі орынбасары лауазымын атқарып келді.

Президенттік жастар кадр резервінің мүшесі.

«QazaqGaz» ұлттық компаниясы үнемі ішкі тарифтің зияны жайлы мәселе көтеріп, миллиардтаған теңгені газ төлейтін кәдімгі түбіртектерді басып шығаруға жұмсаймыз деген желеумен алып келеді. 

Айта кетейік, бұған дейін олардың газ желілерін дамыту мен жөндеудің орнына жылдар бойы еншілес кәсіпорындарға осы үшін сегіз есе көп қаражат бөліп келгені белгілі болды. Orda.kz порталының зерттеу бөлімі Қайрат Шәріпбаевтың (Нұрсұлтан Назарбаевтың күйеу баласы, Дариға Назарбаеваның жары) күдікті істерін ашты. Бұл тіпті оларға қазірдің өзінде табыс әкеліп жатқан «қайнар бұлақ» болуы мүмкін.