Референдум: ҚазҰУ учаскесінде қалай өтіп жатыр?

Мемлекет басшысы 15 наурызда референдум өткізуге тапсырма берген болатын. Ата заңның өзгеруіне халықтың ойы қалай? Orda.kz тілшісі әл-Фараби атындағы Қазақ Ұлттық университеті учаскелерінде болып,  жаңа Ата заң туралы студенттердің пікірін біліп, дауыс беру жағдайын бақылауда.

Учаскеде дауыс берушілердің басым көпшілігі студенттер, олар міндетте түрде дауыс бергені туралы есеп беру үшін суретке түседі. Бүтіндей бір топ немесе жалғыз адам селфимен суретке түсіп, болмаса учаскенің сыртын суретке түсіріп кураторларына есеп беріп жатыр. Ал жалпы дауыс беру процесінде ешқандай да мәселе туындап жатқан жоқ. Тілші студенттерден жаңа Конституция бойынша, пікірлерін сұрады.

«Мен көпшіліктің ауызында жүрген қазақ тілі мен орыс тілі туралы заңға басқа көзқарастамын. Мен орыс тілі қоғамда орыс тілінің қолданылуына оң көзбен қарасам да, мемлекеттік іс-шаралар, құжаттар мен жиындарда тек қана қазақ тілі болғанын қалаймын», – деді бір  атын атағысы келмеген студент.

Дауыс беру учаскесіндегі қызметкерлердің мәліметінше, №568-учаскеде 1736 бюллетень берілген. Ал жалпы 736 адам тізімде бар болса, сағат таңғы 7:00-ден бастап 239 адам дауыс берді. 

Оқи отырыңыз:

• Мәжіліс спикері жаңа Конституцияны қабылдау жөніндегі республикалық референдумда дауыс берді
• Өтеген батыр ауылында референдумға дауыс беріліп жатыр, бірақ кейбір тұрғындар қиындыққа тап болды
• Қазақстанның жаңа конституциясына дауыс беру басталды, референдумға дайындыққа 70 мың адам қатысты