Қазақстанда орташа зейнетақы өсті

Кезекті индекстеуден кейін жалпы зейнетақының орташа мөлшері 12 мыңға жуық өсіммен 120 659 теңге болды.

Қазақстанда 1 ақпандағы жиынтық зейнетақының орташа мөлшері 120 659 теңге болды. Оның ішінде ынтымақты зейнетақы – 82 878 теңге және негізгі – 37 781 теңге, деп хабарлайды Orda.kz тілшісі ҚР Еңбек және халықты әлеуметтік қорғау министрлігіне сілтеме жасап.

Осылайша, еліміздегі зейнетақының орташа мөлшері келесі индексациядан кейін 12 мың теңгеге өсті.

«2023 жылдың басынан бері қазақстандықтар 274,1 млрд теңге көлемінде зейнетақы алды. Оның 84,2 млрд теңгесі базалық зейнетақы төлеуге, 189,9 млрд теңгесі ынтымақты зейнетақыға тиесілі. Қазір Қазақстанда 2 миллион 292 мың зейнеткер тұрады» деп хабарлады министрлік.

Еске салайық, «2023-2025 жылдарға арналған республикалық бюджет туралы» заңға сәйкес 2023 жылдың 1 қаңтарынан бастап жасына және еңбек өтіліне байланысты зейнетақы төлемдерінің мөлшері алынған сомадан 10,5%-ға ұлғайтылды.

Қазіргі уақытта базалық зейнетақы төлемін ескере отырып, зейнетақының ең төменгі мөлшері 68 223 теңгеден 77 417 теңгеге дейін ұлғайтылды.