Путин Дональд Трампты ызаға булықтырды

Аляска саммитінде Путин Украинамен келісімге келу жөніндегі Трамптың ұсынысынан бас тартып, Русьтің, Рюриктің және Ярослав Мудрының шығу тегі туралы ұзақ «дәріс» оқыды. Оның бұл әрекеті Трамптың ызаландырды, деп хабарлайды Orda.kz.

Бірнеше кеңесшінің көзінше Путин атысты тоқтату үшін Қырымды мойындау туралы Трамптың ұсынысын қабылдамай, Украина тізе бүгіп, Донбасты берген жағдайда ғана соғыс аяқталатынын айтты. Содан кейін Путин IX ғасырдағы Новгород князі Рюрик, XI ғасырдағы князь Ярослав және XVII ғасырдағы казак гетманы Богдан Хмельницкий жайлы ұзақ «лекция» оқыды. Ол Украина мен Ресейдің бір ел екенін айтып, көбіне осы тұлғаларды мысалға келтірді.

Бұл сөздер Трамптың ашуына тиіп, бірнеше рет дауыс көтерді. Тіпті кететінін де айтты. Осылайша ол кездесуді тоқтатты. Содан кейін экономикалық мәселелерді талқылауға арналған делегациялардың жоспарланған түскі асын өткізбеді.

Еске сала кетейік, Украина президенті Владимир Зеленский Вашингтонға барды. Ол алдымен АҚШ-тың қорғаныс және энергетика компаниялары өкілдерімен, одан кейін президент Дональд Трамппен кездеседі.