Путин Ақтаудағы әуе апаты жайлы сөз қозғады

Ресей президенті Владимир Путин Бакуден ұшқан ұшақтың Ақтау маңында апатқа ұшырауы туралы пікір білдірді, деп хабарлайды Orda.kz.

ТМД елдерінің бейресми кездесуінде Владимир Путин қаза болғандар мен жарақат алғандардың жақындарына көңіл айтып, Ресейдің төтенше жағдай министрлігінің ұшағы медицина қызметкерлері мен техникалары Ақтауға қарай ұшып жатқанын мәлімдеді.

«Қазақстан Республикасы президентінің келісімімен Ақтауға қазір Ресейдің төтенше жағдай министрлігі ұшағымен медицина қызметкерлері және техникалар Ақтауға жіберілді», – деді Путин. 

Путин Ильхам Әлиев Санкт-Петербургте өтетін ТМД елдерінің бейресми саммитіне қатысуы керек болғанын, алайда таңертең ол Ресей президентіне телефон соғып, кері бұрылып, Бакуге қайтуға мәжбүр болғанын айтты.

«Зардап шеккендердің тезірек сауығып кететініне үміттенейік», – деді Ресей президенті.

Сөз соңында Путин осы қайғылы оқиғаға қатысты барлық мәселелер бойынша арнайы авиациялық қызметтер жұмысын өзара  үйлестіретінін айтты.