Петропавлда кәсіпкер мен оның отбасын өлтіріп кеткен күдіктілер ұсталды

Петропавлда кәсіпкер мен оның отбасын өлтірген үш күдікті ұсталды. Оларды былтыр желтоқсанда өз үйінде өлтіріп кеткен.

«Кісі өлімі туралы хабар түскеннен кейін дереу бүкіл тергеу және жедел бөлімшелер жұмылдырылды. Екі сағаттың ішінде күдіктілер ұсталып, уақытша ұстау изоляторына қамалды. Бұл іс бойынша үш күдікті бар. Бұл адамдар қылмыстық атқару жүйесінің тергеу изоляторында отыр. Қазір тиісті сараптаманың бәрі тағайындалды, оның қорытындысы бойынша қылмыстық іс сотқа жолданады», - деді Солтүстік Қазақстан облысының полиция департаментінің басшысы Айдын Қабдулдинов

Еске салайық, 2023 жылғы 28 желтоқсанда «Рабочий» шағын ауданында азаптап өлтірілген үш адамның мәйіті табылған еді. Жерлеу рәсімімен айналысатын кәсіптің иесі мен оның әйелі және 17 жастағы ұлы өз үйінен табылды.