Перизат Қайрат басқаратын қордың көптеген құрылтайшылары «Аманат» партиясынан

Белгілі волонтер Перизат Қайрат басқаратын «Biz Birgemiz Qazaqstan 2030» қорының құрылтайшыларының көбі «Аманат» партиясынан екені анықталды, деп хабарлайды Orda.kz.

Kompra қазақстандық компаниясының мәліметінше, «Biz Birgemiz Qazaqstan 2030» қоғамдық бірлестігінің бірінші басшысы — Перизат Қайрат.

Қор құрылтайшылары арасында Перизат Қайраттан басқа келесі тұлғалар бар:

• Тоқтар Болысов — «Inmode» ЖШС және «Consult-Invest ITIC» ЖШС компанияларының директоры.
• Арсланбек Мағзұм — «Аманат» партиясы жанындағы «Жастар рухы» қоғамдық бірлестігі Астана қалалық филиалының жетекшісі.
• Сергей Матюшенко — «Аманат» қоғамдық бірлестігінің Астана қаласы «Байқоңыр» аудандық филиалының басшысы және «Біз» азаматтық қозғалысы қорының жетекшісі.
• Гүлназ Сейкамал; Аружан Аманбай; Әйгерім Серікжанова — «Аманат» партиясы жанындағы «Жастар рухы» қоғамдық бірлестігінің Астана қалалық филиалының бұрынғы құрылтайшысы және «Sat Media» компаниясының жетекшісі.
• Шадияр Тұрғанбай;
• Аян Хафиз.

Kompra мәліметінше, «Biz Birgemiz Qazaqstan 2030» қоғамдық бірлестігі 2021 жылдың 11 қазанында тіркелген. 2023 жылдан бастап салық шегерімдері 184 мыңнан асты.

Kompra атағандай Перизат Қайрат жоғарыдағы Қордан басқа  «Rebel Flowers» ЖШС және R-K жеке кәсіпкерлігінің басшысы. «Rebel Flowers» ЖШС 2022 жылы тіркеліп, 2024 жылы 3 миллион теңгеден астам салық төлеген.

Айта кетейік, күні кеше су тасқыны кезінде халықтың мұң-зарын жоқтаған және көмектесуге ұмтылған Перизат Қайрат 1,5 млрд теңге жымқырды деп айыпталды.