Павлодарда мәңгілік алауда би билеген қыздарға қатысты сот отырысы өтті

Павлодарда оқушы қыздарға Мәңгілік алауда әдепсіз би билегені үшін айыппұл салынды, деп хабарлайды Orda.kz.

Сот қыздарды ұсақ бұзақылық жасағаны үшін кінәлі деп тапты. Еске салайық, төрт оқушы қыз Мәңгілік алау мен Даңқ белгісінің жанында билеп жатқанын бейнежазбаға түсірген болатын.

Олардың қимылдары тверкингке ұқсайды. «Жеңіс саябағын қорлау» деген жазуы бар бейнені жариялау арқылы олар қолданушылардың ызасын тудырды. Ақыры полицияға «шақыру» алды. Павлодар соты 2008 және 2009 жылы туған екі қызға ҚР ӘҚБтК-нің 434-бабының 4-бөлігі бойынша 10 АЕК (39 320 теңге) айыппұл салды.

Қатысушылардың бірі түсірілімге хореографтың шақыруымен келгенін түсіндірді.