«Пара алған»: Қытайда бұрынғы мемлекеттік компания басшысы өлім жазасына кесілді

Қытайда бұрынғы мемлекеттік компания басшысы пара алғаны үшін өлім жазасына кесілді, деп хабарлайды Orda.kz. 

Тергеу барысында анықталғандай, 2014–2018 жылдар аралығында ол түрлі жобаларға және корпоративтік қаржыландыруға «көмектесіп» 156 миллион доллар көлемінде пара алған.

2024 жылғы 28 мамырда сот оны өлім жазасына кесті. 2025 жылғы ақпанда берілген апелляция қанағаттандырылмады.

Қылмыстық істің материалдары Қытай Жоғарғы халық сотына жолданып, онда өлім жазасы түпкілікті бекітілді. Өйткені пара көлемі аса ірі, ал оның салдары ерекше ауыр деп бағаланды.

Соңғы шешім қабылданғаннан кейін, Тяньцзинь қаласының екінші аралық халық соты үкімді заңға сәйкес орындайды. 

Жаза алдында Бай Тяньхуэйге жақын туыстарымен қоштасуға мүмкіндік беріледі.

Айта кетейік, Түркістан облысында тойханада бұрынғы келінін соққыға жыққан ер адамға қатысты сот үкімі шықты.