Өз-өзіне қол жұмсады: Ақтөбе облысында 15 жастағы қызды 11-сынып оқушысы зорлады

Ақтөбе облысында 29 сәуір күні 15 жастағы қыз өзіне қол жұмсады. Кейін белгілі болғандай, бір жыл бұрын оны 11-сынып оқушысы зорлаған, деп хабарлайды Orda.kz.

НеМолчиKZ қорының деректері бойынша, 15 жастағы мектеп оқушысы Лананы ғашығы болған 11-сыныпта оқитын жас жігіт зорлаған. Сол күні кешке қызға біреу телефон соғады, ол сыртқа шығып, үйінің шатырынан асылып, өз-өзіне қол жұмсады.

Куәгерлердің айтуынша, жігіт Ланнаны көшеде ашықтан-ашық ұрып, тепкілеген. Қыз ата-анасына ештеңе айтпай, бар жағдайды жасырды. Алайда достарымен болған жазбаша құпия жазбаларында оның күйзелісі айқын көрінеді.

«Лана зардап шегіп, үмітсіздікке үшыраған, өзін кінәлап, ашуланып жүрген. Ең қорқыныштысы оның «Маған ешкім сенбейді» деген сөзі. Бір жазбасында: «Мен оның мені зорлағысы келетінін түсінбедім» деп жазады. Тағы бір жерде: «Мен айқайладым, бірақ ол бәрібір зорлады» деген сөзі бар»,  деп хабарлайды қор.

Ақтөбе облысы Мәртөк ауданының полициясы қылмыстық іс қозғады. Сот-медициналық сараптама жүргізілді.

«Дегенмен, барлық дәлелдер мен куәліктерге қарамастан, тергеуші Б. Ағзамов іс мерзімін тоқтатып, қыздың телефон деректерін зерттемейді. Іс тек ҚР Қылмыстық кодексінің 105-бабы (өзін-өзі өлтіруге жеткізу) бойынша ғана қаралып жатыр. Мұндай істер жиі құрғақ  жүргізіліп, мұрағатқа өтеді. Туыстары адвокат жалдағанға дейін іс екі ай бойы тоқтап тұрды»,  деп толықтырды НеМолчиKZ.

Қор ақпараты  бойынша, сараптама нәтижелері, куәгерлердің көрсеткіштері және WhatsApp жазбалары Ланнаның бір жыл бойы жыныстық зорлыққа, қорқытуға және психологиялық қысымға ұшырағанын дәлелдейді. Қыз осы азапты бір жыл бойы өз бетінше көтеріп келген.

Ақтөбе облыстық полиция департаменті Мәртөк ауданында кәмелетке толмаған қыздың өз-өзіне қол жұмсау фактісі бойынша Қылмыстық кодекстің 105-бабы (Өзін-өзі өлтіруге итермелеу) бабы бойынша сотқа дейінгі тергеу басталғанын хабарлады.

Полиция департаментінің хабарлауынша, оқиғаның барлық мән-жайы анықталып жатыр: куәгерлерден жауап алынып, айтылған деректер тексерілуде. Тергеу шараларының нәтижесіне қарай процессуалдық шешім қабылданатыны айтылды. 

Еске салсақ, Мәртөк ауданында 15 жастағы қыз өз-өзіне қол жұмсады. Ақтөбе облыстық білім басқармасының дерегінше, жасөспірім ата-әжесімен және анасымен тұрған.