Отбасы банк тұрғын үй кезегіндегілерге арналған ережелерді күшейтті

Енді 2026 жылғы 2 наурыздан бастап баспана тек инвентаризациядан өткен азаматтарға ғана бөлінеді, деп хабарлайды Orda.kz.

Инвентаризация – кезекте тұрған азаматтардың деректерін тексеру және нақтылау процесі. Атап айтқанда, отбасы құрамы, санаты, тұрғын үйінің бар-жоғы анықталады. Тексеру orken.otbasybank.kz порталында жүргізіледі. Ол үшін кезекте тұрған адам порталға кіріп, жеке деректерін өңдеуге келісім беріп, тексеру рәсімін бастауы тиіс.

Егер азамат инвентаризациядан өтпесе, ол кезектен шығарылмайды. Алайда тұрғын үйді бөлу процесіне қатыса алмайды және тексеру аяқталғанға дейін жалдамалы пәтер де, 2% немесе 5% мөлшерлемемен берілетін жеңілдетілген несие де ала алмайды.

Бұған дейін банк пәтерлерді тексеріссіз үлестіріп, процесті жеделдетуге тырысқан. Алайда кейін кейбір кезекте тұрған адамдардың баспана сатып алғаны және отбасы құрамының өзгергені анықталып, рәсімді қайта бастауға тура келген.

Қазіргі таңда 257 мың адам инвентаризациядан өткен.

Оқи отырыңыз:

• Кәсіпкерден ақша бопсалаған: Маңғыстауда ҰҚК полковнигі 11 жылға сотталды
• Оралдық әйел телефонына қосымша жүктеймін деп 5 млн теңгесінен айырылды