Оренбург – Орынбор, Волгоград – Сарысу: Әзірбайжан басылымы Ресей қалаларының атын өзгертті

Әзірбайжан басылымы Оренбургтың атын «Орынбор» деп өзгертіп жазба жариялады, деп хабарлайды Orda.kz.

Mіnval телеграм-арнасында басылым енді ресейлік қалалардың атын өзгертіп атайтынын жазды. Кёнигсберг (Каллининград), Орынбор (Оренбург), Солжа-Гала (Волгоград), Итиль (Астрахань) деп атауға ниетті екенін жазды. 

Бұл шешімді редакция ТАСС агенттігінің Қарабақтағы жағдай туралы жаңалықтарында «Таулы Қарабақ» пен «Степанакерт» деген кеңестік атауларды қолданғанына жауап ретінде қабылдаған. 

ӘзерТАДЖ атты мемлекеттік агенттік СІМ ұстанымын қолдап, Әзірбайжан да Ресей қалаларын тарихи, не түркілік атаулармен атауға көшуі мүмкін екенін айтты.

Сыннан кейін ТАСС жариялаған материалдың тақырыбындағы «Степанакерт» атауын «Таулы Қарабаққа» ауыстырды. Кейінірек нақтырақ түзетіп, тақырыпқа «Қарабақ» сөзі, ал мәтіннің өзінде — «Ханкенди» атауын енгізді.

Еске сала кетейік, Шымкент әкімінің орынбасары Руслан Берденовке жасалған қастандыққа қатысты іс бойынша сот өтіп жатыр. Бүгін айыпталушы Ерлан Жиенбай сөз сөйлеп, болған оқиғаға қатысты өз нұсқасын айтты.