Оңтүстік Корея президентінің импичментінен кейін Сеулде митингілер басталды

Оңтүстік Кореяның бұрынғы президенті Юн Сок Ёлдің жақтастары 5 сәуірде Конституциялық соттың импичмент туралы шешіміне келіспейтінін білдіру үшін митингіге шықты, деп хабарлайды Orda.kz.

Адамдар Юнды дереу бұрынғы қызметіне қайтаруды талап етті, деп жазады Yonhap.

«Консерваторлық топтардың мыңдаған өкілдері Сеул орталығындағы Кванхвамун алаңына Конституциялық сот шешім шығарған күннің ертесі жиналды. Полицияның бағалауынша, сенбілік акцияға 18 мыңға жуық адам қатысты» деп жазылған агенттік хабарламасында.

Наразылықта: «Импичмент - бұл алаяқтық» және «Конституциялық сот таратылсын» деген ұрандар айтылды. Олар сондай-ақ оппозициялық қайраткерлерді еске ала отырып, «мемлекетке қарсы күштерді жоюға» шақырды.

Қатысушылардың бірі жұртшылық «қарсылық көрсету құқығын пайдалануы» және 60 күн ішінде өтетін кезектен тыс сайлауға бойкот жариялауы тиіс деп мәлімдеді.

Оңтүстік Кореяда Конституциялық сотының ел президенті импичментін бекіткені туралы 4 сәуірде хабарланды. Ол қызметінен шеттетілді. Президенттік сайлау 60 күн ішінде өтуі тиіс. Олар 2025 жылдың 3 маусымында өтеді деп күтілуде.

2024 жылдың 5 желтоқсаны күні полиция президент Юн Сок Ёльді төтенше жағдай жариялағанына байланысты мемлекетке сатқындық жасады деп айыптады. Оңтүстік Корея президенті 3 желтоқсанда әскери төтенше жағдай енгізген болатын. Алайда 190 депутат бұл шешімге қарсы дауыс беріп, 6 сағатқа жетпей оны алып тастауға мәжбүр болды.

Наурыз айында Сеул аудандық соты қамауда отырған Оңтүстік Кореяның бұрынғы президенті Юн Сок Ёлді тұтқындау туралы шешімнің күшін жойып,  оны сот залында босатты. 

Оңтүстік Кореяның бұрынғы президентінің  енесі жалған банк құжатын жасағаны үшін ұсталған болатын.