Олимпиада чемпионы Дмитрий Баландин Қазақстанның су спорты федерациясының бас хатшысы атанды

2016 жылғы жүзуден Олимпиада чемпионы атанған Дмитрий Баландин Қазақстанның су спорты түрлері федерациясының бас хатшысы атанды, деп хабарлайды Orda.kz.

«Қазақстанның су спорты түрлері федерациясының кезектен тыс конференциясында ұйымның бас хатшысы қызметіне жүзуден олимпиада чемпионы Дмитрий Баландин тағайындалды», деп мәлімдеді федерация.

Айта кетейік, конференцияға қатысушылар Баландиннің кандидатурасын бұрынғы бас хатшы Сергей Дроздов өкілеттігін мерзімінен бұрын тоқтатқаннан кейін бірауыздан қолдады.

«Дмитрий Баландиннің тағайындалуы оның керемет спорттық жетістіктерін мойындау ғана емес, сонымен қатар федерацияны жаңарту және институционалды нығайту қадамы болады. Оның кәсібилігі мен беделі еліміздің бүкіл су спорты саласы үшін маңызды ресурс болатынына сенімдіміз», – деді федерация президенті Нұрлан Жақыпов. 

Еске сала кетейік, Джей Лоның концерті Қазақстанға қанша табыс әкелетіні белгілі болды.