Оқ шығармай жаулау: Трамп Гренландияны сатып алғысы келеді

The Wall Street Journal мен The New York Times дереккөздерге сілтеме жасап жазғандай, Ақ үй Гренландияны басып алуды емес, Даниядан сатып алу жолдарын іздеуде, деп хабарлайды Orda.kz.

Басылым сұхбаттасушыларының айтуынша, мемлекеттік хатшы Марко Рубио конгрессмендермен жабық кездесуде әскери шабуыл туралы сөз болмағанын атап өткен.

Мұндай тәсіл соңғы мәлімдемелерден әлдеқайда жұмсақ. Бұған дейін Трамптың баспасөз хатшысы Кэролайн Левитт әкімшілік мақсатқа жетудің түрлі нұсқаларын қарастыратынын айтты, бірақ ол күш қолданатын сценарийді жоққа шығармай, оны мүмкін болатын сценарийдің бірі деп атаған болатын.

4 қаңтарда Трамп журналистер адында сұрақтарға жауап бергенде:

 «Гренландия туралы 20 күннен кейін сөйлесейік», - деді. 

Ал Еуропада осыған қатысты алаңдаушылық артып келеді. Олар Вашингтон сөзден іс-әрекетке көшуі мүмкін деп қорқады. Германия канцлері Фридрих Мерцті қоса алғанда, ЕО елдерінің бірнеше көшбасшысы Данияны қолдап, кез келген қауіп-қатерді күш ретінде қабылдамайтындығын атап өтті.

Бұған дейін АҚШ Қорғаныс министрі Пит Хегсет әлемдегі ең ірі аралды бейбіт жолмен ала алмаса, АҚШ әскерлерінің Гренландияға басып кіру жоспары бар екенін растаған болатын.

Еске салсақ, Трамп Венесуэладан Қытай мен Ресейді құралақан қалдырып, АҚШ-пен ғана мұнай серіктестігін құруды талап етті.

Оқи отырыңыз: 

Шәй ішпесе басы ауыратын апаларымыз бояу ішіп жүр ме?

Қайтарылған активтердің 1,3 млрд теңгесі СҚО-дағы аурухананы жөндеуге бөлінді

Биыл халық шошына күткен қандай ақша аударымдары «күдікті» саналады

Австралияда жасөспірімдердің әлеуметтік желіге кіруіне тыйым салынып, ғалымдар эксперимент бастады