«Новороссийск соққысынан кейін»: Қазақстан мұнайы Батысқа қарай экспортқа қайта шықты

Каспий құбыр консорциумының (КҚК)  Ресейдегі «Шесхарис» трансфер кешеніндегі мұнай базасы жұмысын қалпына келтірді. Ресей Федерациясы мұнай экспортын қайта бастады, деп хабарлайды Orda.kz.

ҚР Энергетика министрлігі мұнай базасына жасалған шабуылдың Қазақстаннан мұнай тасымалдауға әсер етпегенін мәлімдеді. 

Reuters агенттігінің деректеріне қарасақ, шабуылдан екі мұнай айлағы зақымданды. Новороссийск портындағы және КҚК терминалы уақытша жұмысын тоқтатты. Мұның салдарынан әлемдік нарыққа тәулігіне 2,2 миллион баррель мұнай жетпей қалды, бұл – әлемдік мұнай нарығының шамамен 2%-ы. Шабуылдан кейін мұнай бағасы 2%-ға көтерілді.

Бұл шабуыл Ресейдің мұнай инфрақұрылымына жасалған ең ірі шабуыл болды. Ресейдің мұнай экспортының шамамен 20%-ы Қара теңіз порттары арқылы өтеді. Сондықтан мұндай шабуыл ұзаққа созылса, әлемдік нарыққа мұнай жеткізу айтарлықтай дағдарып қалады. Украина бірнеше ай бойы Ресейдің мұнай зауыттары мен құбырларына осындай соққылар жасап келеді.

Мұндай әлемдік мұнай нарығындағы өзгерістер Қазақстан үшін экономикалық маңызды. Себебі мұнай бағасы мен экспорт көлемі ел экономикасына тікелей әсер етеді.

Айта кетейік, қазан айының басында Украин дрондары Қазақстан шекарасына жақын орналасқан мұнай өңдеу зауытына соққы жасаған еді.