Миллиондаған қарызы бар «ҚазМұнайГаздың» экс-басшысына іздеу жарияланды

Қазақстанның ММА федерациясы бұған дейін «ҚазМұнайГаз» компаниясының басшысы болған Алик Айдарбаевқа іздеу жариялады, деп хабарлайды Orda.kz.

Федерация Алик Айдарбаевтың көптен бері байланысқа шықпағанын мәлімдеді. Сондай-ақ, оның республикалық аралас жекпе-жек қауымдастығы басшы болған кезінен бері 100 миллион теңге қарыз қордаланып қалған.

Сондай-ақ жарияланым астындағы пікірлерде мемлекет жекпе-жек өнерін дамытуға қанша қаржы бөлсе де, «спортшылардың өздеріне бір тиын да жетпегені» айтылған.

«Неге барлық спорт ұйымдарын тікелей қолдап, жастарды бюджет қаражатын басқаратындардан қорғау мүмкін емес. Бірақ бәрі ұрлап, діттеген жеріне жетпей жатқан қаражатты бөлісіп алып жатқанын көріп отырмыз. Мүмкін осындай  паразиттерді, біліксіз шенеуніктерді және өзінің қара басы үшін бәрін бәске тігуге дайын арамтамақтарды тоқтататын кез жетті деп ойлаймыз»», - деп атап өтті федерацияның Қызылорда филиалының өкілдері.

Алик Айдарбаев қазіргі қызметіне дейін негізінен мемлекеттік қызметте жұмыс істеген. 2013-2017 жылдары Маңғыстау облысының әкімі қызметін атқарған. Сонымен қатар, 2018-2022 жылдар аралығында «ҚазМұнайГаз» ҰК АҚ мұнай-газ компаниясының басқарма төрағасы болған.