«Маңдайы тілінген»: Алматылық ата-ана балабақша тәрбиешісі балаларын ұрғанын мәлімдеді

Алматыдағы №40 балабақшаның тәрбиешісі балаларға қатыгездік танытты деп ата-аналар шағымданды, деп хабарлайды Orda.kz.

Тәрбиешінің ісі балабақшаның бейнекамерасына түсіп қалған. Бейнеде тәрбиеші кішкентай қызды жұлқылап, бірнеше соққы жасағанын көруге болады. Ата-анасының айтуынша, осы оқиғадан кейін оның маңдайы тілінген.

Бұл жантүршігерлік оқиға бойынша қылмыстық іс қозғалды. Алайда жәбірленушінің отбасы тергеудің әрекетсіздігіне шағымданады. Олардың айтуынша, мұндай оқиғалар бүлдіршіндердің оқиға туралы толыққанды айта алмайтындығынан қызметкерлер жазасыз қалып отыр.

Еске сала кетейік, бұған дейін Қаскелең қаласында  6 баласы бар көпбалалы ана не үшін өзін және балаларын қоса өртемек болғаны туралы жазған болатынбыз.