Лизингке отандық және шетелде жасалған құрал-жабдықтар беріледі

«ҚазАгроҚаржы» ауыл шаруашылығы техникасын алдын ала төлемсіз лизингке беруді іске қосады, деп хабарлайды Orda.kz компанияның баспасөз қызметіне сілтей отырып.

«ҚазАгроҚаржы» АҚ арнайы техниканы, ауыл шаруашылығы өнімдерін тасымалдауға арналған көліктерді бастапқы жарнасыз сатып алу үшін бастапқы жарнасыз ауыл шаруашылығы техникасын лизингке берудің жаңа бағдарламасын іске қосуда. 

Лизинг шарттары бойынша алдын ала төлем 0%, сыйақы мөлшерлемесі 22,75% (субсидияларды қосқанда 6%), лизинг мерзімі 10 жылға дейін, қаржыландыру шегі 370 млн теңгеге дейін болады. Лизингке қазақстандық және шетелде жасалған құрал-жабдықтар беріледі.

Бағдарлама Қазақстанның азық-түлік қауіпсіздігін қамтамасыз етуге және агроөнеркәсіптік кешенінің тұрақты дамуын сақтауға бағытталған.

2023 жылы ауыл шаруашылығы техникасын қаржыландыру бойынша 7710  техниканы лизингке сатып алуға 178 млрд теңге жұмсалды, оның ішінде 54% қазақстандық техника. Жылдық 6 пайыздық мөлшерлемемен жеңілдетілген қаржыландыру бағдарламалары аясында 2023 жылы 46 миллиард теңгеге 2838 техника лизингке берілген.

2024 жылы 6 пайыздық жылдық мөлшерлемемен жеңілдікті қаржылық лизинг бағдарламаларын жүзеге асыруға 36,8 миллиард теңге бөлу жоспарланды.

Биылғы жылдың ақпан айының басында жеңілдетілген бағдарламалар бойынша 14,8 млрд теңгеге 1310 бірлік ауыл шаруашылығы техникасын сатып алуға өтінімдер келіп түскен. Оның ішінде бүгінгі күні 6,8 млрд теңгеге 544 бірлік техниканы сатып алуға қаржылық лизинг шарттары жасалды.