Лайк баспағандарға «ескерту»: Шымкенттің жастар орталығында дау шықты

Шымкенттегі «Жастар ресурстық орталығының» интернетте орталықтың желідегі парақшасына лайк баспаған қызметкерлерге басшылық ашық қысым жасап, жазбаша және ауызша ескерту берді, деп хабарлады Orda.kz.

Бұл жөнінде ақпаратты журналист Азат Дидарбек жазды. 

«Жастар орталығы қаламыздың жастар мәселесін шешеді дегенге сеніңкіремейтін едік, енді лайк басқан-баспаған қызметкерлерін тізіп, тексеріп, өздері хатта жазғандай «ескерту» жасап, жұмыс істеуге кедергі келтіріп жүрсе... Бұл іс түбі оңбайды.. Бүгін (16 сәуір – ред.) осындай қысым көре берген орталық қызметкерінің мазасы қашып, құлап қалып, жедел-жәрдем шақырып, алғашқы медициналық көмекке жүгінуіне тура келді!» деп жазып, жергілікті әкімдіктерді белгілеп, осы мәселеге назар аударуды сұрады

Qaz365.kz сайты Шымкент қалалық ішкі саясат және жастарістері жөніндегі басқармасының басшысы Әйгерім Жұмағұлованың сөзін жариялады.

«Мен осы жайлы жазбалар жарияланғаннан бастап хабардармын. Өзіме жұмыс жоспарын белгіледім. Жағдай бойынша әділетті және обьективті шешім қабылданады», — деді Әйгерім Жұмағұлова. 

Еске сала кетсек, биыл мәдениет және ақпарат министрі Аида Балаева әлеуметтік желіде ақпарат тарататындарға үндеу жасаған болатын.