Қызылордалық 16 жастағы қызды бопсалаған ер адамға жеңіл жаза тағайындалды

Қызылорда облысында 16 жастағы мектеп оқушысын жыныстық құлдықта ұстауға қатысты айыптылардың біріне қылмыстық іс бойынша бірінші үкім шықты, деп хабарлайды Orda.kz.

Сот өзін құқық қорғау қызметкері ретінде таныстырып, қыздан 700 мың теңге талап еткен ер адамды 4 жыл 6 айға бас бостандығынан айырды. Прокуратура 7 жыл сұрағанымен, сот жеңіл жаза тағайындады. Сот оны 4,5 жыл бас бостандығынан айыру туралы шешім қабылдады. Алда әлі 12 күдіктіге қатысты іс қаралады.

Айыпталушы жалған куәлігін көрсетіп, қызды қорқытып, оның 35 мың теңгесін алып, 700 мың теңге төлеуін талап еткен. Қыз бұл жағдайды танысына айтып, одан көмек сұраған соң ата-анасына хабар беріп, дер кезінде құтқарылған.