Қырымда ұшақ жартасқа соғылды: 29 адам ажал құшты

Қырымда Ан-26 әскери-транспорттық ұшағы апатқа ұшырап, 6 экипаж мүшесі мен 23 жолаушы қаза тапты, деп хабарлайды Orda.kz BBC-ге сілтеме жасап.

Ресей қорғаныс министрлігінің мәліметінше, ұшақтың құлауына техникалық ақау себеп болған. Кейбір дереккөздер ұшақтың жартасқа соғылғанын мәлімдеді.

Бұған дейін Ресей қорғаныс министрлігі кеше, сейсенбі күні шамамен сағат 18:00-де әскери-транспорттық Ан-26 ұшағымен байланыс жоғалғанын хабарлаған еді.

Қазіргі уақытта басқа нақты мәліметтер жарияланбады. 

Ан-26 жеңіл әскери-транспорттық ұшағы 1975 жылы қолданысқа енгізілген. Ол әскер мен техниканы орта қашықтыққа тасымалдауға арналған.

Оқи отырыңыз:

• Microsoft, Apple және Tesla: Иран АҚШ-пен байланысы бар алпауыт компаниялардың күлін көкке ұшырмақ
• «Болашақ» бағдарламасында қандай өзгерістер болады? Саясат Нұрбек жауап берді
• Тоқаев Ресейдің жетекші мыс өндіретін компания басшысымен бірлескен инвестициялық жобаларды талқылады