Қырғызстанда Бішкек қаласы бойынша ҰҚМК басқармасының бұрынғы басшысы ұсталды

Бішкек қаласы бойынша Қырғызстанның Ұлттық қауіпсіздік мемлекеттік комитеті (ҰҚМК) басқармасының бұрынғы басшысы Эльдар Жақыпбеков ұсталып, уақытша ұстау изоляторына қамалды, деп хабарлайды Orda.kz 24.kg сайтына сілтеме жасап.

Құқық қорғау органдары Жақыпбековтің нақты не үшін ұсталғаны туралы ресми ақпарат бермеді. 

Айта кетейік, 14 ақпанда Бішкек қалалық ҰҚМК басқармасында басшылық ауысқаны белгілі болды. Жаңа басшы болып Ұлан Байбосынов тағайындалды.

Жақыпбековтің ұсталғаны туралы ақпарат алғаш рет 10 ақпанда тараған еді. Алайда сол кезде ҰҚМК бұл мәліметті ресми түрде жоққа шығарған болатын.

Еске салайық, өткен аптада Қамшыбек Ташиев Қырғызстан министрлер кабинеті төрағасының орынбасары – Ұлттық қауіпсіздік мемлекеттік комитеті (ҰҚМК) төрағасы қызметінен босатылды. Қырғызстан президенті Садыр Жапаров саяси серігі Қамшыбек Ташиевтың қызметінен кету себебін түсіндірді.

Оқи отырыңыз: 

• Қырғызстанда парламент спикері отставкаға кетті
• Қазақстан Қырғызстаннан жерді 49 жылға не үшін жалға алмақшы?