Құстар емес: Әзірбайжан Қазақстан көлік министрлігінің есебіне пікір білдірді 

Қорытынды есеп дайындау бойынша жұмыс Қазақстан Республикасы және тергеуге қатысатын басқа да мемлекеттердің қатысуымен басталғаны атап өтілді. Ведомство алдын-ала есепте келесі фактілер расталғанын айтты, деп хабарлайды Orda.kz.

Әзірбайжан Республикасының Баку қаласынан Ресей Федерациясының Грозный қаласына J2-8243 тұрақты рейсін орындаған "Әзірбайжан авиакомпаниялары" ЖАҚ-ға ("AZAL") тиесілі 4k-AZ65 нөмірімен тіркелген "Embraer 190-100 igw" жолаушылар ұшағы маршруттың Грозныйға дейінгі учаскесінде ұшу басталған сәттен бастап толық жарамды болған. Әуе кемесінің ұшуға жарамдылығы, оның басқару жүйелерінің жұмысы туралы мәліметтер FDR деректерімен расталды

• Ұшақтың екі қозғалтқышы да апатқа дейін техникалық ақаусыз жұмыс істеген. Бұл ақпаратты FDR деректері де растайды;
•  Ресей Федерациясы әуе кеңістігінде, соның ішінде Грозный әуежайының үстінде ұшу кезінде ұшақ GPS сигналдарын жоғалтқан;
•  Грозный ауа-райының қолайсыздығына байланысты ұшақ қонуға екінші рет әрекет жасай алмаған, содан кейін капитан Бакуге оралу туралы шешім қабылдаған. Бұл шешімді қабылдағаннан кейін, Грозныйдың үстінде CVR 24 секундтық интервалмен екі сыртқы дыбыс жазған;
• CVR және FDR деректерін салыстыру бірінші сыртқы дыбыстан 4 секундтан кейін 3-ші гидравликалық жүйе, 6 секундтан кейін 1 – ші гидравликалық жүйе және 21 секундтан кейін 2-ші гидравликалық жүйе істен шыққанын көрсетті;
• Фюзеляжда фотосуреттер мен бейнежазбалар арқылы бекітілген көптеген саңылаулар және өтпелі зақымдар табылды. Бұл зақымдар фюзеляждың артқы жағында юолды, олардың басым көпшілігі тік және көлденең тұрақтандырғыштарда, сондай-ақ сол қанат пен сол жақ қозғалтқышта болған;
• Әуе кемесінің фюзеляжында анықталған зақымдар сыртқы объектілердің әсерінен пайда болғаныитуралы ақпарат берілді. Алдын ала есепте әуе кемесінің құстармен соқтығысуын көрсететін қандай да бір фактілердің болуы туралы ақпарат жоқ;
• Фюзеляждың ар жағына тесіп кірмеген зақымдар табылған әуе кемесіне жатпайтын бөгде заттар алынды; олардың фотосуреттері алдын ала есеп мәтінінде көпшілікке ұсынылды. Анықталған бөгде объектілердің не нәрсе екенін дәл анықтау үшін бұдан әрі қосымша сараптамалар жүргізу жоспарлануда;
• Оттегі балонының жарылу фактісі туралы ешқандай ақпарат көрсетілмеген.