Курьер сезіктенген: Алматыда шетелдік азамат күмәнді сәлемдеме тапсырыс бергені үшін ұсталды

Альфия Адамбек
cover Фото: Бейнеден кадр

Алматыда шетелдік күмәнді сәлемдеме тапсырыс беріп, қамауға алынды, деп хабарлайды Orda.kz. 

Қалалық ПД баспасөз қызметінің мәліметінше, жеткізу қызметінде жұмыс істейтін курьер сәлемдемеге күдіктеніп, полицияға хабар береді. Полицейлерді көрген Сьерра-Леоне азаматы қашып кетуге әрекеттенгенімен, оқиға орнында ұсталды. Қорапты тексеру барысында оның ішінен есірткіге ұқсас зат табылған.

Құқық қорғау органдарының анықтауынша, Сьерра-Леоне азаматы Қазақстан аумағында заңсыз жүрген.

Күдікті қамауға алынды. Қазіргі уақытта іс бойынша қажетті тергеу әрекеттері жүргізіліп жатыр.

«Бұл жағдай азаматтық жауапкершілік пен қырағылықтың қаншалықты маңызды екенін көрсетеді. Курьер өз жұмысын атқара отырып, күмәнді жағдайларды байқап, дер кезінде полицияға хабарлаған. Соның арқасында тыйым салынған заттардың таралуының алдын алуға мүмкіндік туды. Айта кету керек, мұндай фактілер полицияның ерекше бақылауында», – деді Медеу аудандық полиция басқармасының бастығы Жәнібек Шынасылов.

Оқи отырыңыз:

Жаңалықтар

барлық жаңалықтар

22.12.2020 жылы берілген
№KZ05VPY00030397 мерзімді баспасөз басылым және ақпараттық агенттік
тіркеу туралы куәлік.

© ORDA, . Пайдалану ережелері