Құлсарыда жеті жасар қызды азаптап өлтірген қылмыскер өмір бойына қатаң режимдегі түрмеге тоғытылды

Бұл Қазақстандағы өмір бойы бас бостандығынан айыруға сотталған адам сот үкіміне шағымданбаған бірінші жағдай. Әңгіме Атырау облысының Құлсары қаласының 35 жастағы тұрғыны туралы болып отыр, ол жеті жасар қызды зорлап өлтіргені үшін сотталды, деп хабарлайды Orda.kz. 

Адам кінәсін толық мойындамағанына қарамастан, үкім жарияланғаннан кейін ол апелляцияға беруден бас тартты. Үкім заңды күшіне енді.

Қайғылы оқиға 2025 жылғы 5 маусымда Құлсары қаласында болды. Қыз бала достарымен ойнауға шығып, үйге қайтып келе жатып адасып қалады. Жолда оның  алдынан араққа сылқия тойып алған бейтаныс адам шығады.

Ер адам баланы зорлап, одан кейін оны тұншықтырып өлтіріп, қылмысын жасыруға тырысып, мәйітті Құрсай өзеніне лақтырған. Қыз сол күні табылды. Күдікті де тез арада қолға түсті.

Істі Атырау облысының қылмыстық істер жөніндегі ауданаралық соты қарады. Судья Зарема Хамидуллина сотталушыны кінәлі деп танып, төтенше қауіпсіздік мекемесіне қамауға және өмір бойы бас бостандығынан айыру жазасын тағайындады.

Сот сондай-ақ моральдық шығын ретінде сотталған адамнан қайтыс болған баланың отбасының пайдасына 20 миллион теңге өндіру туралы шешім шығарды.

Үкім күшіне енгеннен кейін ол Қазақстанда өмір бойы сотталғандарға арналған жалғыз төтенше қауіпсіздік колониясы — «Қара бүркітке»  ауыстырылды.

Түзету мекемесі Қарағанды облысының Долинка кентінде, бұрынғы ҚарЛАГ аумағында орналасқан. Онда аса ауыр қылмыс жасағандар, яғни кісі өлтіру, террорлық акт, балаларға қатысты қылмыс жасаған адамдар отырады.

Тұтқындар қатаң режимде және тұрақты бақылаудағы жалғыз адамдық камераларда болады. Мерзімінен бұрын шартты түрде босату мүмкіндігі олар үшін қарастырылмайды.

Еске салсақ, Атырау облысы Құлсары ауданында белгісіз ер адам бұрынғы әйелін пышақтап өлтірген болатын. Қайғылы оқиға 27-ші наурызда марқұмның жұмыс орнында болды. Ол емханада заңгер болып жұмыс істеген. Әйел кабинетінде жалғыз қалғанда шабуыл жасап, оқиға орнынан қашып кеткен.

Оқи отырыңыз:

• Құлсарыда полицей жанып жатқан үйден адамдарды аман алып шықты
• Аида Балаева: жекеменшік мектептер білім сапасын төмендетті
• «Қаскелең нәжіске батып жатыр»: Қарасай ауданындағы кәріз дауы ушықты