Қуаңшылық кезінде батыс өңірлерге шөп тасыған Құрмет Талапқазы үйленді

cover Фото: instagram/ qurmet_talaphazi

2021 жылы Маңғыстаудағы қуаңшылық кезінде Қазақстанның оңтүстігінен бас көтеріп, шөп жинап, жіберген Құрмет Талапқазы шаңырақ көтерді, деп хабарлайды Orda.kz. 

2021 жылы жаз бойы қуаңшылықтан зардап шеккен аймақтарға шөп тасыған Құрмет Талапқазы қуанышты жаңалығын айтты. Ол әлеуметтік желідегі парақшасында сүйінші сұрап, оқырмандарын қуантып қойды. 

«Сүйінші ағайын, көптен күткен өмірдегі бір қуаныш, бір қайғы, бір парыз – махаббатыммен некемді қидым, құтты болғай» деп жазды ол парақшасында. 

Желі қолданушылары Құрметке ақ тілегін жаудырып, батасын берді.

Еске салайық, 2021 жылдың жаз мезгілінде малы аштан қырылып, қуаңшылық басқан өңірлерге жем-шөп жеткізуді ұйымдастырған Шымкент қаласының тұрғыны Құрмет Талапқазы университетке тегін қабылданды. Ол «Адал еңбегі үшін» марапатталды.

Сол жылы халықтың ұсынысына құлақ салған журналист Мақсат Толықбай жазда қуаңшылықтан зардап шеккен шаруаларға шөп орып, көмек қолын созған Құрмет Талапқазыға үй алып беру бастамасымен елден ақша жинап, жас жігітке үй сыйлады. 

Жаңалықтар

барлық жаңалықтар