Қостанайдағы Freedom Finance экс-директоры 70 млн теңге жымқырғаны үшін сотталды

Freedom Finance компанияның Қостанайдағы филиалында бұрынғы басшы ақша жымқырғаны үшін 5 жылға сотталды, деп хабарлайды Orda.kz. 

Экс-директор 2023 жылдың желтоқсанынан 2024 жылдың қазанына дейін қарамағындағыларды алдап, оларды басшылықтың нұсқауы бойынша бонустық төлем беруге көндірген. Осылайша ол 70 млн теңгеден астам қаржы жинап алған.

Мемлекеттік айыптаушы сотталушыға 5 жыл сұрады және қаржы ұйымдарында 10 жыл бойы басшылық лауазымдарға орналасуға тыйым салуды ұсынды. Сотталушының өзі кінәні жоққа шығарды. Бірақ жәбірленушілер қатаң жаза мен толық өтемақы талап етті.

Сот ер адамды алаяқтық үшін кінәлі деп тауып, 5 жылға бас бостандығынан айырды. Ол сондай-ақ 7 жыл бойы басшылық лауазымдарға орналасу құқығынан айырылды.

Айта кетейік, осы жылы көктемде Құлсарыда 7 жастағы қызды зорлап өлтірген ер адам өмір бойына сотталды.