Коронавирусқа байланысты бетперде режимі енгізілмейді

ҚР Денсаулық сақтау вице-министрі Тимур Сұлтанғазиев Қазақстанда коронавирустық жағдайдың тұрақты екенін мәлімдеді, деп хабарлайды Orda.kz.

Әзірге елде бетперде кию режимін енгізу жоспарда жоқ.

«Бас санитарлық дәрігердің қаулысы аясында маска режимі тек медициналық ұйымдарда және тек медицина қызметкерлеріне ғана арналған. Басқа келушілер мен емделушілер үшін бұл ұсыныс түрінде қалады», - деді Тимур Сұлтанғазиев Орталық коммуникациялар қызметінде өткен баспасөз мәслихатында. 

Бұған дейін Orda.kz  Қазақстан Президенті Қасым-Жомарт Тоқаевтың олимпиада ойындарының жүлдегерлері мен олардың жаттықтырушыларымен жоспарланған 15 тамыздағы кездесуі бірнеше спортшының коронавирус жұқтыруына байланысты кейінге қалдырылғанын хабарлаған  болатын.