Көкпардағы ойыншының өлімі: оның қарсыласы мен төреші ұсталды

Қырғызстанда серкені алуға ұмтылған көкпаршыны ат соғып мерт қылған еді. Оқиғаға орай оның қарсыласы мен матч төрешісі ұсталды, деп хабарлайды Orda.kz. 

Мирлан Сраждиновтың қайтыс болу фактісі бойынша құқық қорғау органдары 29 жастағы көкпаршы мен 42 жастағы көкпар төрешісін ұстады.

Естеріңізге сала кетейік, кеше, 12 наурыз күні Антоновка ауылында өткен көкпар кезінде 44 жастағы ойыншы Мирлан Сраждинов қайтыс болды. Ол серкені жерден көтеруге тырысып, еңкейе бергенде, оған басқа ойыншының аты соғылды. Ер адам шұғыл медицина орталығында дәрігерлер келгенге дейін ашық ми жарақатынан қайтыс болды. 

Оқиға орнына келген дәрігерлер оның бас миының ашық жарақаты, бас сүйегі түбінің сынуы, маңдай сүйегінің ашық сынуы, оң көзінің жарақаты, мұрынның жабық сынуы болғанын айтты. 

Қылмыстық кодекстің «Денсаулыққа ауыр зиян келтіру» бабы бойынша іс қозғалды. Барлық қажетті сараптамалар тағайындалды. Ұсталғандардың екеуі де уақытша ұстау изоляторында отыр.