КММ-да бюджеттің 40 млн қаражатын ұрлау фактісін анықтады

Астана қаласындағы «Олимпиада ойын түрлеріне жатпайтын спортты дамыту дирекциясы»  КММ-да бюджет қаражатын жүйелі түрде ұрлау фактісі анықталды.

Бұл туралы Қаржы маниторинг агенттігі хабарлады.

2021-2022 жылдар кезеңінде ҚММ лауазымды тұлғалары оқу-жаттығу жиындарын өткізуге бөлінген бюджеттік қаражат жымқырылды. Іс жүзінде жиындар өткізілмеді.

Жаттықтырушылар спортшылардың жүріп-тұруы және тамақтануы туралы жалған есептер тапсырған. Заңсыз әрекеттен мемлекетке келтірілген залал сомасы 40 млн теңгеден асады.

Осы факті бойынша сотқа дейінгі тергеу жүргізілуде, күдікті сот санкциясымен қамауға алынды.