ҚМА бөгет салуға және жөндеуге бөлінген ақшаны кім ұрлағанын айтты

Қаржы мониторингі агенттігі (ҚМА) Қазақстанда гидротехникалық құрылыстар мен жөндеу жұмыстарына қарастырылған ақшаны кім ұрлағанын айтты.

Агенттік төрағасының орынбасары Жеңіс Елемесов жалпы алғанда миллиард теңгеге жуық қаржының ұрланғанын айтты. Бірақ бұл миллиардтың  таяуда ғана республика бойынша ауқымды су тасқыны зардаптарын жоюға бөлінген қаржыға қатысы жоқ. Қылмыс Ұлытау мен Ақтөбе облыстарында, сондай-ақ Алматы мен Қызылордада ашылды.

«Қылмыстық істердің басым бөлігі бюджет қаражатын ұрлау фактісі бойынша арнайы тіркелген. Бұл бөгеттерді заңсыз күтіп ұстауға қатысты бұрын гидротехникалық құрылыстарға арнайы бөлінген ақша»,-  деді ҚМА төрағасының орынбасары.

Ал Елемесов бөлінген 140 миллиард теңгені барынша мұқият қадағалап, сыбайлас жемқорлық тәуекелдерінің алдын алуға уәде берді.

«Біз тендер ұтып алған кәсіпкерлерге де, жұмыстарды аяқтау туралы актіге қол қоюға қатысқан шенеуніктерге күдікпен қараймыз»,- деп қосты Елемесов.

Естеріңізге сала кетейік, ҚМА гидротехникалық құрылыстарды салуға бөлінген қаражаттың жұмсалуын тексерген болатын. Алматы, Ақтөбе, Қызылорда облыстарында, сондай-ақ Ұлытау өңірінде ұрлықтың төрт фактісі ашылды. Бес мемлекеттік қызметкер күдікті деп танылды. Жалпы шығын бір миллиард теңгеден асты.