КҚК теңіз терминалынан мұнай төгілді

Қазақстандық мұнайдың басым бөлігі Еуропаға тасымалданатын Новороссийск қаласындағы Каспий құбыр консорциумының (КҚК) теңіз терминалынан мұнай ағып кетті, деп хабарлайды Orda.kz.

КҚК баспасөз қызметінің хабарлауынша, 29 тамызда жүк операциясы кезінде танкерге шығарылатын айлақтық құрылғының шлангілері (АҚШ) арқылы КҚК-2 теңіз бетіне біршама мұнай төгілді.

«Ағып кеткен мұнай көлемі анықталуда, қаза тапқандар мен зардап шеккендер жоқ, өрт қаупі жоқ. Оқиғаның себептері анықталуда» деп жазылған хабарламада.

Ұйымның баспасөз қызметі ЛАРН жоспары жедел іске қосылғанын хабарлады. Аумаққа қолда бар барлық күштер мен құралдар орналастырылды, мұнай эмульсиясы жиналып жатыр. Тұрақты экологиялық мониторинг жүзеге асырылады, үнемі сынама алынады.

КҚК айлақтық құрылғылары белгісіз мерзімге пайдаланудан шығарылды.