Қазақстанның астық экспорты 12 млн тоннаға ұлғайды

Қазақстан Қытайға бидай экспортын ұлғайтты, деп хабарлайды Orda.kz. 

 ҚР сауда және интеграция вице-министрі Қайрат Төребаевтың мәліметінше, Қазақстанның астық бойынша экспорттық әлеуеті 12 млн тоннаға бағаланған. Оның 7,5 млн тоннасы бидайға, 1,4 млн тоннасы арпаға, 300 мың тоннасы жүгеріге тиесілі екенін хабарлады. Майлы дақылдар бойынша әлеует 1 млн тоннадан асады деп бағаланады.

Вице-министр Қытайға бидай экспорты айтарлықтай артып, 2023 жылы 538,8 мың тоннаға жеткенін атап өтті, бұл өткен жылғы көрсеткіштен 15 есе артық екен. 

Бұл көрсеткіш Қытай мен Азия елдеріне 1,6 млн тоннаға дейін бидай жеткізу мүмкіндігін көрсетеді. Вице-министр Қытай талаптарына байланысты шекарада кідіріс мәселесін, сондай-ақ Қытайдағы қазақстандық астық импортына лицензиялар мен квоталар сияқты күрделі шарттарды пысықтау маңызды екенін айтты.