Қазақстандықтар шетелмен де трансшекаралық QR-төлем жасайды

2026 жылдың соңына дейін шетелде жүрген бірқатар қазақстандықтар бірыңғай банкаралық QR-код арқылы сатып алған тауарлары мен қызметтерінің ақысын төлей алады. Әзірге — тек бірнеше елде ғана енгізілді, деп хабарлайды Orda.kz.       

Ұлттық төлем корпорациясының төлем жүйелерін дамыту департаментінің директоры Райымбек Шаймерденовтің айтуынша, Қазақстан бұл бағытта Үндістан, Қытай, Қырғызстан және Біріккен Араб Әмірліктерімен келіссөздер жүргізіп жатыр.

«2026 жылдың соңына дейін толыққанды трансшекаралық төлемдерді іске асырамыз деп күтіп отырмыз. Біздің азаматтарымыз аталған елдерде бірыңғай QR-код арқылы төлем жасай алады, ал осы елдерден келген туристер Қазақстанда осы жүйені пайдалана алады», — деді Райымбек Шаймерденов.

Сондай-ақ оның айтуынша, Түркия және Таиландпен алдын ала келісімдер бар, бұл елдерді жүйеге келесі жылы қосу жоспарланып отыр. Қазіргі уақытта банкаралық QR-төлемдердің бірыңғай жүйесіне әзірге үш банк қосылған: Банк ЦентрКредит, Home Credit Bank және Freedom Bank.

Altyn Bank бірыңғай QR-кодты эмиссия бөлігінде іске қосты. Ал жыл соңына дейін жүйеге Kaspi Bank, RBK Bank және Halyk Bank қосылады деп күтілуде.

Оқуға ұсынамыз:

• Ұлттық банк: 2025 жылы барлық банктер үшін бірыңғай QR код болады
• Иранда наразы халық Солтүстік Хорасан прокурорын тірідей өртеп жіберді
• Ұлттық қордан балаларға 2025 жылы төленетін төлемдер қашан түседі
  
  
• Әлеуметтік желіде желдей ескен «несиені кешіре салатын» ақпарат жалған