Қазақстандықтар Құрбан айт мерекесіне орай қанша күн демалады?

Маусым айында қазақстандықтар мұсылмандардың маңызды мерекелерінің бірі — Құрбан айт мерекесін атап өтеді, деп хабарлайды Orda.kz. 

2025 жылы Құрбан айттың бірінші күні жұма — 6 маусымға сәйкес келеді. Осыған байланысты қазақстандықтар қатарынан үш күн демалады. 

Құрбан айттағы демалыс күндері — бес күн жұмыс істейтіндер үшін — 6, 7 және 8 маусым демалыс күндері болады. Ал алты күн жұмыс істейтіндер — 6 және 8 маусым күндері демалады. Ал 7 маусым жұмыс күні. 

Құрбан айт — ислам дініндегі ең маңызды діни мейрамдардың бірі. Ол Ораза айттан кейін 70 күн өткен соң тойланады. Бұл мейрам Меккедегі қажылықтың аяқталуына сәйкес келеді және мұсылмандар үшін үлкен рухани мәнге ие. 

Айта кетейік, Orda.kz тілшісі «Ораза айында Наурыз мерекесін тойлау дінге қайшы ма?» деген сұраққа жауап іздеп көрген.