Қазақстандық ұялы байланыс операторларына қатысты тергеу басталды

Ұялы тарифтердің бағасын шарықтатқан байланыс операторларына қатысты тергеу басталды, деп хабарлайды Orda.kz.

Бәсекелестікті қорғау және дамыту агенттігі (БҚДА) төрағасының орынбасары Болат Самбетов нарық талдауы операторлардың өзара келісіп, тарифтерді қымбаттатуы мүмкін екенін көрсетіп отыр деп айтты.

«Біз байланыс операторларының бір мезгілде тарифтерді жедел көтере бастағанын анықтадық. Антимонополиялық салада мұндай әрекеттер келісілген деп есептеледі, қазір біз жағдайды жан-жақты зерттеудеміз», – деді Самбетов.

Желтоқсан айында цифрлық даму министрлігі қызметтердің бағасы жыл соңына дейін көтерілмейтініне кепілдік берген еді. Алайда, бәсекелестіктің күшеюіне қарамастан, тариф өсіп жатыр.