«Қазақстанды танытқаныма мақтанамын» — Рыбакина жанкүйерлеріне үндеу жасады

Теннисші Елена Рыбакина қазақстандық жанкүйерлеріне арнап үндеу жариялады, деп хабарлайды Orda.kz.

Теннисші жанкүйерлеріне қолдау көрсеткердері үшін алғысын білдіріп, Қазақстанның атынан өнер көрсеткеніне мақтанатынын айтты.

«Қымбатты достар, сүйікті жанкүйерлерім! Стадионда, экран алдында, хаттарыңыз бен жылы сөздеріңіз арқылы білдірген қолдауларыңыз үшін әрқайсыңызға шын жүректен алғыс айтамын. Мен Қазақстан атынан өнер көрсетіп, сіздерге қуаныш пен жеңіс сыйлай алғаныма мақтанамын. Әсіресе, барған сайын көбірек жастардың қолына ракетка алып жатқанын көргенде ерекше қуанышқа бөленемін. Егер менің ойыным сіздерді армандауға, еңбектенуге және өз-өзіңізге сенуге шабыттандырса, бұл менің ең үлкен жеңісім. Алда аздап демалыс пен жаңа дайындық күтіп тұр. Жеңіске жеткен сәттерде де, қиын күндерде де менімен бірге болғандарыңыз үшін рақмет. Сіздердің сенімдеріңіз — менің тірегім. Алаңда кездескенше! Алға, Қазақстан!» деп жазды спортшы Instagram парақшасында. 

Айта кетсек, бұған дейін Сауд Арабиясының Эр-Рияд қаласында өткен маусым қорытындысы бойынша әйелдер арасындағы турнирде Рыбакина алғаш рет чемпион атанды. Қазақстан Президенті Қасым-Жомарт Тоқаев теннисші Елена Рыбакинаны жарқын жеңісімен құттықтады.