Қазақстандағы ресейліктерге бюллетень жетпей қалған

Алматыдағы сайлау учаскелерінің алдындағы ұзын-сонар кезек кешке дейін жалғасты.

Алайда ресейлік жүздеген азамат президент сайлауында дауыс беріп үлгермей қалды.

Бірнеше куәгердің айтуынша, Ресейдің Алматыдағы бас консулдығындағы сайлау учаскелері жабылмай тұрып-ақ, дауыс беру бланкілері таусылып қалған. Осыдан кейін полицейлер учаскелердің кіреберісіне тізіліп, кезекте тұрғандардың тарауын сұрады.

Еске салайық, Ресейдегі президент сайлауының алдын ала нәтижелері белгілі болды. Путин 87,21% дауыс жинады.