Қазақстанда жатыр ішінен жасайтын операция сәтті өтті

Алматыдағы Перинатология және балалар кардиохирургиясы орталығында ұрықтарды жатыр ішінде жатқанда құтқаратын операция сәтті жасалды.

Бұл туралы денсаулық сақтау министрлігі хабарлады.

Минскіден келген жетекші маманмен бірлесіп, қазақстандық дәрігерлер туа біткен патологияларды емдеуге арналған күрделі отаны үш жүкті әйелге сәтті жасап шықты.

Мынадай оталар жасалды:

Қос ұрықтық трансфузиялық синдром кезінде егіздердің өмірін сақтап қалуға мүмкіндік беретін плацентарлы анастомоздардың лазерлік коагуляциясы;

Амниоредукция және амниоинфузия, ұрық судың көлемін қалыпқа келтіреді және асқыну қаупін азайтады;

Ұрықтағы бүйрек патологиясы кезінде қуыққа дренаж жасау, бүйрек жеткіліксіздігінің алдын алу сынды оталар.