Қазақстанда Наурыз мейрамына мемлекеттік органдар жоба дайындауда

Көктемнің басты мерекесі – Наурыз мейрамы басқаша тойланбақ, деп хабарлайды Orda.kz порталы.

Министрлік атап өткендей, құжат талқылау сатысында және биылғы жылдың наурыз айының басында көпшілікке жарияланады.

Қосымша түсініктеме алу үшін Астана және Алматы қалалары әкімдіктерінің баспасөз қызметіне жүгіндік.

Наурыз түркі халықтары үшін діни әдет-ғұрыпқа тікелей қатысы жоқ дәстүрлі көктем мерекесі. Наурыз көктемгі күн мен түннің теңелетін күні тойланады. Ежелгі әдет-ғұрып бойынша, мереке алдында адамдар өз үйлерін, айналасын тазартып, қарыздарын өтеген.

Ал Наурыз қазіргі қазақстандықтар үшін түркі көшпелі мәдениетін ұлықтау күні. Бұл күндері еліміздің түкпір-түкпірінде киіз үйлер тігіліп, қазақтың ұлттық тағамдары – наурыз-көже, бауырсақ, шелпек, жент, қымыз және басқа да тағамдар таратылады.

Әзірге Қазақстанда Наурыздың қалай тойланатыны беймәлім.

Еске салсақ, бұған дейін «Егемен Қазақстан» газетіне берген сұхбатында Қазақстан Президенті Қасым-Жомарт Тоқаев Науырыз мерекесінің жаңа жылдық мәнін тілге тиек еткен болатын. Біздің төл жаңа жылымыз – Наурыз мейрамы, ол табиғаттың жаңа тіршілік кезеңінің басталғанын білдіретінін атап өтті.

«Наурыз мейрамы жаңаруды білдіреді, сонымен қатар оны жаңаша: мазмұнды, жасампаз, жаңа ерекшеліктерді енгізу арқылы тойлау қажет. Бұл қоғамды біріктіруге және ұлттық бірегейлігімізді нығайтуға септігін тигізетініне сенімдімін», - деді Мемлекет басшысы.